დღეს, ქალაქ ოზურგეთში, შპს ''სააქიმო''-ში ოზურგეთის მაჟორიტარი დეპუტატის, საპარლამენტო უმრავლესობის ლიდერის, ზვიად კვაჭანტირაძის, პირადი ინიციატივით ოზურგეთისა და მუნიციპალიტეტის თემების მოსახლეობას უფასო სამედიცინო გამოკვლევები უტარდება.
მაღალკვალიფიციურ ექიმთა ჯგუფმა მოსახლეობას უფასო კონსულტაციები შემდეგი მიმართულებით გაუწია: კარდეოლოგია, ალერგოლოგია, თერაპია, ნევროლოგია, რევმატოლოგია, ონკოლოგია, გინეკოლოგია, პედიატრია, ენდოკრინოლოგია, უროლოგია.
კვლევების პროცესში ოზურგეთის მუნიციპალიტეტის გამგებელი მერაბ ჭანუყვაძე, გურიის გუბერნატორის მოადგილე ქეთი მოისწრაფეშვილი და ქალაქ ოზურგეთის მერი ბელგარ სიორიძე ჩაერთნენ. უფასო დიაგნოსტიკას კლინიკა „მედისონის" მთავარი ექიმი დიმიტრი ტოკლიკიშვილი ხელმძღვანელობს.
„მინდა ძალიან დიდი მადლობა გადავუხადო ოზურგეთის მაჟორიტარ დეპუტატს ზვიად კვაჭანტირაძეს ამ დიდი საჩუქრისთვის. სოციალურად შეჭირვებული ფენისთვის ასეთი ხარისხის სერვისის მიღება ხელმისაწვდომი არ არის. ამ საშობაო აქციით უკვე ბევრმა ადგილობრივმა ისარგებლა. ჩვენ გაგვიკეთებია მსგავსი რამ ოზურგეთის მუნიციპალიტეტის სოფლებში და მომავალშიც არაერთ აქციას განვახორციელებთ ჯანდაცვის კუთხით," - აღნიშნა ოზურგეთის მუნიციპალიტეტის გამგებელმა მერაბ ჭანუყვაძემ.
სამედიცინო მომსახურება ამ დრომდე 500-მდე პაციენტს გაეწია.
უფასო კვლევები დღის ბოლომდე გადრძელდება და მასში მონაწილეობას განსაკუთრებული საჭირეობის მქონე პირებიც მიიღებენ.
