პარლამენტის ვიცე-სპიკერი მანანა კობახიძე ცილისწამებისთვის საკრებულოს დამოუკიდებელ დეპუტატ ალეკო ელისაშვილს უჩივლებს. კობახიძის განცხადებით, მისი ადვოკატი ამ საკითხზე უკვე მუშაობს.

„ვგეგმავთ ბატონი ალეკოს მიმართ სარჩელის შეტანას. ადვოკატი მუშაობს. ყველა სამართლებრივ გზას გამოვიყენებთ საიმისოდ, რომ ცილისმწამებლებს პასუხი გავცეთ. სარჩელი აუცილებლად შევა, უბრალოდ ახლა ამის დრო ნამდვილად არ არის, ჩვენს ქვეყანაში მნიშვნელოვანი მოვლენები ხდება. მე დროს არ დავკარგავ, ამას უშუალოდ ადვოკატი მიხედავს", - განაცხადა კობახიძემ.

ამასთან, მანანა კობახიძემ პატიმართა შეწყალების საკითხებთან დაკავშირებით გაკეთებული განცხადებების გამო ცილისწამებისთვის გაზეთ "ქრონიკა+"-ის რედაქტორს, ელისო კილაძეს უჩივლა.