დიმიტრი ჯაიანი „რეპორტიორთან" საუბრისას აფასებს 2015 წელს და ამბობს, რომ ეს იყო ერთ-ერთი წარმატებული წელი, ამაში კი დიდი წვლილი ღარიბაშვილსა და ივანიშვილს მიუძღვის.
„2015 წელს ვაფასებ როგორც ერთ-ერთ წარმატებულს. 2012 წლიდან, მას შემდეგ, რაც ღარიბაშვილმა და ივანიშვილმა ქვეყანა ჩაიბარეს ყველაფერი გააკეთეს იმისთვის, რომ ქვეყანაში მდგომარეობა გაუმჯობესებულიყო. ცდილობდნენ იმის გამოსწორებას, რაც საქართველოში 9 წლის განმავლობაში ხდებოდა. ამიტომ ღარიბაშვილს, როგორც პრემიერ-მინისტრს ძალიან წარმატებულად ვაფასებ. ღარიბაშვილი კიდევ დაბრუნდება სხვადასხვა თანამდებობებზე და შესაძლოა, სულაც პირველი პირი გახდეს მომავალში, ეს ჩემი პირადი აზრია. ასე რომ მოვა დრო და იმ ღვაწლს რაც საქართველოსთვის „ქართულ ოცნებას" აქვს გაკეთებული ქართველი ერი უმაღლეს დონეზე შეაფასებს", - ამბობს დიმიტრი ჯაიანი.
