„საუბრობენ, რომ ის რბილი პიროვნებაა, მაგრამ ასე ნამდვილად არ გახლავთ", - ასე აფასებს „რეპორტიორთან" საუბრისას „ახალგაზრდული ცენტრის" ხელმძღვანელი ზურაბ ქადაგიძე პრემიერ- მინისტრის პოსტზე გიორგი კვირიკაშვილის დანიშვნას.
"უპირველეს ყოვლისა, ახალი პრემიერი როგორც ეკონომისტი, უფრო მეტად ორიენტირებული ეკონომიკურ საკითხებზე იქნება. ის საკმაოდ გაწონასწორებული ადამიანი და მისი ბიოგრაფიიდან გამომდინარე ძალიან წარმატებული პიროვნებაა. ამასთან არანაკლები წვლილი მიუწღვის ხელისუფლების წარმატებებში, ის თვეების განმავლობაში საგარეო საქმეთა მინისტრი გახლდათ, როდესაც ევროპასთან სერიოზული ნაბიჯები გადაიდგა, ის იყო ერთ-ერთი პასუხისმგებელი პიროვნება. გუშინდელი გამოსვლის შემდეგ კი ვნახეთ, რომ ირაკლი ღარიბაშვილზე არანაკლები სამიზნე იქნება „ნაციონალებისთვის" კითხვა - პასუხის რეჟიმში.
ახალ პრემიერს წარმატებებს ვუსურვებ და ვფიქრობ, ქვეყნის წინაშე არსებულ გამოწვევებს შეძლებისდაგვარად გაუმკლავდება," -განაცხადა ქადაგიძემ.
