კახეთის რეგიონის გუბერნატორმის ირაკლი შიოლაშვილის ინფორმაციით, თელავში დღეისთის დაგეგმილი ყველა საახალწლო ღონისძიება გაუქმდა.
შიოლაშვილმა განაცხადა, რომ ეს გადაწყვეტილება პოლიციელის მკვლელობის გამო მიიღეს.
შეგახსენებთ, გუშინ პოლიციის შენობის ეზოში, ცეცხლსასროლი იარაღიდან გასროლით სამართალდამცავი გელა ლამაზოშვილი მოკლეს. სროლის შედეგად სამართალდამცავი ქალიც დაიჭრა. მისი ჯანმრთელობის მდგომარეობა მძიმეა.
შინაგან საქმეთა მინისტრმა გიორგი მღებრიშვილმა პოლიციის თანამშრომლის მკვლელობის შესახებ იმიღებული ინფორმაციის შემდეგ, მთავრობის სხდომა დატოვა და თელავში გაემგზავრა.
შს სამინისტროს ინფორმაციით, მკვლელობაში ეჭვმიტანილი დაკავებულია. მომხდარზე გამოძიება სისხლის სამართლის კოდექსის 108-ე და 19 109-ე მუხლებით დაიწყო, რაც შესაბამისად, განზრახ მკვლელობას და დამამძიმებელ გარემოებებში განზრახ მკვლელობის მცდელობას გულისხმობს.
