„3 პროცენტი არ არის სახალისო, მაგრამ ნახეთ სხვის ფონზე, შარშან მეორე წელი, რომელიც მე ვთქვი - არათუ რეგიონში, ევროპაშიც პირველები ვიყავით", - ასე აფასებს საქართველოს ექს-პრემიერი ბიძინა ივანიშვილი ქვეყანაში ეკონომიკურ ვითარებას. ამის შესახებ ივანიშვილმა „20/30"-ის ეთერში საუბრისას განაცხადა და აქვე განმარტა, რომ კრიზისი მსოფლიოს სხვა ქვეყნებთან ერთად განიცადა საქართველომაც, მაგრამ „აქ არ არის მთავრობის დანაშაული".

„ეროვნული ბანკის ქმდება ზოგიერთ შემთხვევაში არ იყო თანმიმდევრული და დროული, თუმცა ეს არ არის ძირითადი სიმძიმე. ამის გათვლა ეხლა ძალიან რთულია და ეს პრობლემაც არ შეიძლება ძირითადად ეროვნულ ბანკს მივაწეროთ. 2016 წელი ისევ იქნება რთული, იმედი მაქვს 2017-დან დაიწყება აღმავლობის პერიოდი და საქართველო იქნება ლიდერი აღმავლობაში.

3 პროცენტი არ არის სახალისო, მაგრამ ნახეთ სხვის ფონზე, შარშან მეორე წელი, რომელიც მე ვთქვი - არათუ რეგიონში, ევროპაშიც პირველები ვიყავით. როდესაც რეგიონში კრიზისია ვერცერთი ქვეყანა ვერ იქნება წარმატებული. როდესაც მსოფლიო კრიზისია, იქ ვერცერთი ქვეყანა ვერ არის სუპერწარმატებული. კრიზისი განიცადა საქართველომაც, მაგრამ აქ არ არის მთავრობის დანაშაული", - განაცხადა ბიძინა ივანიშვილმა.