სომეხთა სამოციქულო ეკლესიის ხელმძღვანელმა ვაზგენ მირზახანიანმა სომხური მედიისთვის მიცემულ ინტერვიუში კვლავ წამოწია საქართველოში 442 ეკლესიის (მიმდებარე ნაკვეთებით) გრიგორიანული ეკლესიისთვის გადაცემის საკითხი.

ანალოგიური მოთხოვნა მან, აწ უკვე ყოფილ პრემიერ-მინისტრს ირაკლი ღარიბაშვილს გაუგზავნა წერილობით 2014 წლის 12 დეკემბერს. აშკარაა, რომ ასეთი აქტიურობა (უსაფუძვლო პრეტენზიები) განსაკუთრებით საშიშია და მეტწილად ემთხვევა წინასაარჩევნო პერიოდს.

როგორც ჩანს, დღემდე ყველა ხელისუფლებას ჰქონდა  ცდუნება ევაჭრა ქვეყნის ინტერესებით ეთნიკური უმცირესობების ხმების სანაცვლოდ, თუმცა, იმედია, დღეს ეყოფა ხელისუფლებას პრინციპულობა და მსგავს შემთხვევებში ქვეყნისთვის მნიშვნელოვან პოზიციებს დაიკავებს.