„ვოცნებობ  ხოლმე, ახალ წელს თოვლი იყოს..." - ამბობს პოლიტიკოსი დიმიტრი ლორქთიფაძე. როგორ წესი, 2016 წელსაც საკუთარ ოჯახში შვილებთან და მეუღლესთან ერთად შეხვდა. გამომდინარე იქიდან, რომ მის ოჯახში ბევრი პატარაა, ახალი წლის მოახლოებასთან ერთად მოტივაციაც მატულობს.

„ახალ 2016 წელს ოჯახთან ერთად შევხვდი. ყველა ახალ წელს ასეა. ვცდილობთ, რომ ჩვენი გარემოცვა შეივსოს ჩვენი მშობლებითაც და ერთ დიდ ოჯახად შევიკრიბოთ. ახალ წელს ერთად ვხვდებით, შემდეგ მივდივართ და ახალი წლის ღამეს ვუძღვნით მეგობრებთან ურთიერთობას.

ოცნება რაც მაქვს ხოლმე, მინდა, ახალ წელს თოვლი იყოს.  იშვიათია ხოლმე... ბევრი მართლმადიდებლისთვის ახალი წლის დადგომა არის შობის ღამე. ჩვენც განსაკუთრებული გულისფანცქალით ველით 7 იანვრის ღამის დადგომას.

2016 წლისგან ველოდები მშვიდობას, ესაა მთავარი. მშვიდობის ფონზე კი ჩვენი ქვეყნის ტეროტორიული მთლიანობისკენ მნიშვნელოანი ნაბიჯების გადადგმას", - ამბობს პოლიტიკოსი „რეპორტიორთან" საუბრისას.

რა საჩუქარს ისურვებდა თოვლის ბაბუისგან - ლორთქიფანიძე ამბობს:

„აკუსტიკურ გიტარას  - დიდი ხანია ვუმიზნებ, შევიძინო, ამიტომ ნამდვილად ვისურვებდი ამ საჩუქარს".