როგორ ხვდება ახალ წელს და რას ელის 2016 წლისგან, ამ თემაზე ანალიტიკოსი დემურ გიორხელიძე  „რეპორტიორს" ესაუბრა:

„ახალი წელი - ესაა განახლების  მოლოდინი. ტრადიცია ისაა, რომ ოჯახში გვაქვს ზეიმი, არ გავდივარ არსად, ყოველთვის სახლში ვხვდები. ახლა, მითუმეტეს, მე და ჩემი ვაჟიშვილი ვართ სახლში, ჩემი მეუღლე და ქალიშვილი ამერიკაში არიან. ამიტომ ახალ წელს მათთან ერთად skype-ის საშუალებით შევხვდები.

2015 წელი პირადად ჩემთვის ურიგო არ იყო. დღეს ხელისუფლება ხელს არ გიშლის, აკეთო, იშრომო, რაც განსხავავდება იმ უბედურებისგან, რაც ხდებოდა 9 წლის განმავლობაში. ბუნებით ოპტიმისტი ვარ და 2016 წლისგან უფრო კარგს ველი", - ამბობს გიორხელიძე.