პალამენტარი დათო ლორთქიფანიძე ახალ წელს, ტრადიციულად, ოჯახში ხვდება და მეუღლესთან და ორ შვილთან ერთად აღნიშნავს ახალი წლის შემობრძანებას. შემდეგ სტუმრად მიდის ან მასთან მოდიან სტუმრები. როგორც დეპუტატი ამბობს, არ უყვარს რესტორნები და ახალი წლის აღნიშვნა ოჯახურ გარემოში ურჩევნია.
„ვფიქრობ, ახალი წელი ისეთი დღეა, რომელიც მხოლოდ უახლოეს ადამიანებთან ერთად ოჯახურ გარემოში უნდა გაატარო. რესტორანიც კარგია, მაგრამ მშვიდ გარემოში სჯობს.
ჩემი სერიოზული მინუსია, რომ ახალი წლის სამზადისის დროს ვერაფერ ხელშესახებ დახმარებას ვერ ვუწევ ჩემს მეუღლეს. მაქსიმუმი, რაც შეიძლება გავაკეთო, სუპერმარკეტიდან მოვიტანო აუცილებელი პროდუქტი. რაც შეეხება სამზარეულოს, ბევრ მამაკაცს შეუძლია საჭმელების მომზადება, მაგრამ მე ჩემი ნიჭი ამ კუთხით ვერ გამოვავლინე, მხოლოდ ის შემიძლია, ჩაიდანს ცეცხლი ავუნთო. მხოლოდ ამით შემოვიფარგლები.
2016 წლისგან ველი, რომ ქვეყნა გააგრძელებს სვლას დემოკრატიისკენ, სადაც ადამიანის უფლებები იქნება პრიორიტეტი, სადაც ადამიანებს არ დაჩაგრავენ პოლიტიკური შეხედულებეის გამო; 2016 საარჩევნო წელია და ვფიქრობ და ველოდები, რომ ჩვენი ამომრჩეველი, რომელიც ყველაზე გონიერი ამომრჩველია მთელ მსოფლიოში, გააკეთებს ისეთ არჩევანს, რომელიც ჩვენი ქვეყნის მომავალს წაადგება", - განუცხადა „რეპორტიორს" პარლამენტარმა.
