ცნობილი ხდება, რომ საგარეო საქმეთა მინისტრის მოადგილის პოსტს დავით ზალკალიანი დაიკავებს. ლევან მიქელაძის ფონდის ხელმძღვანელის აღმასრულებელ ხელისუფლებაში დაბრუნებას ირაკლი ალასანიას პარტიაში ადასტურებენ. როგორც "თავისუფალი დემოკრატების" წევრმა ვიქტორ დოლიძემ „რუსთავი 2"-ს განუცხადა, ზალკალიანმა მიიღო შეთავაზება დაბრუნდეს საგარეო საქმეთა სამინისტროში. დოლიძის განცხადებით, ეს არის ახალი პრემიერ-მინისტრის გადაწყვეტილება, რომ სამინისტროში დაბრუნდნენ პროფესიონალი კადრები.

თავად ზალკალიანს ამ თემაზე კომენტარი ჯერ-ჯერობით არ გაუკეთებია.

დავით ზალკალიანი "თავისუფალი დემოკრატების" წევრი გახლდათ, თუმცა მან ოქტომბრის თვეში პარტიის რიგები დატოვა და არასამთავრობო სექტორში გადაინაცვლა.