საგარეო საქმეთა მინისტრი მიხეილ ჯანელიძე ამბობს, რომ დავით ზალკალიანი გამოცდილი, პროფესიონალი დიპლომატი და საგარეო საქმეთა სამინისტროსთვის ღირებული კადრია. ჯანელიძე ადასტურებს, მისი მოადგილის თანამდებობაზე ზალკალიანის კანდიდატურა განიხილება.

"დავით ზალკალიანი ძალიან ღირსეული კანდიდატურაა, ასევე გამოცდილი, პროფესიონალი დიპლომატი, ღირებული კადრი საგარეო საქმეთა სამინისტროსთვის. მე მასთან ერთად ძალიან მნიშვნელოვან საკითხზე მიმუშავია - მოგეხსენებათ, ერთად ვაწარმოებდით მოლაპარაკებებს ასოცირების შეთანხმებაზე. რა თქმა უნდა მას, როგორც კანდიდატს განვიხილავთ და თუ გადაწყვეტილება იქნება მიღებული, ამის შესახებ აუცილებლად გაიგებთ", - განაცხადა მიხეილ ჯანელიძემ.