პარლამენტის ფრაქცია „ქართული ოცნების" თავმჯდომარე გიორგი ვოლსკი ამბობს, რომ "ქართულ ოცნებაში" ყველა იზიარებს, გიორგი კვირიკაშვილი თავისი მონაცემებით ნამდვილად ლიდერია.

"თუკი ჩემი აზრი გაინტერესებთ, რომელიც სხვებსაც გავუზიარე და ამ აზრს ყველა ეთანხმება - გიორგი კვირიკაშვილი თავისი მონაცემებით, პოზიციით ნამდვილად ლიდერია. ამაზე მისი პიროვნული თვისებებიც მიუთითებს. მსოფლმხედველობითად იგი ლიდერის პოზიციას უნდა იკავებდეს. ამასთან, ეს თემა მხოლოდ ჩემი და სხვების მოსაზრებით გადასაწყვეტი არ არის. საკითხს ყრილობის გადაწყვეტილება სჭირდება, რომელიც გაზაფხულზე შედგება", - განაცხადა ვოლსკიმ ჟურნალისტებთან საუბრისას.