საქართველოს პრეზიდენტმა გიორგი მარგველაშვილმა დღეს გამართულ ბრიფინგზე განაცხადა, რომ ეროვნული ბანკის საბჭოს წევრის კანდიდატურას დაახლოებით ერთ თვეში წარადგენს.

„ეროვნული ბანკის ირგვლივ მიმდინარეობს როგორც უკვე ჩვენს მიერ დადგენილია, უაღრესად ღია და გამჭვირვალე პროცესი, რომელშიც უკვე ტრადიციულად აქტიურად არის ჩართული როგორც სამოქალაქო საზოგადოება, ექსპერტები, ასევე ეს პროცესი ფართოდ შუქდება მედიის მიერ. ეს პროცესი დაიწყო რამდენიმე თვის წინ და ახლა კიდევ უფრო ინტენსიურად განახლდება. სავარაუდოდ, ერთი თვის ფარგლებში მოხდება ახალი კანდიდატურის გამოკვეთა და პარლამენტისთვის წარდგენა", - განაცხადა გიორგი მარგველაშვილმა.