"დოიჩე ველეს" ინფორმაციით 10 იანვრიდან ძალაში შევიდა აკრძალვა რუსეთიდან მთელი რიგი საქონლის უკრაინაში შეტანის თაობაზე. შესაბამისი დადგენილება უკრაინის მთავრობამ გასული წლის 30 დეკემბერს მიიღო.

რუსეთიდან უკრაინაში ვეღარ შევა ხორცი, თევზი, რძის პროდუქტები, ყავა, ჩაი, ხორბალი, საკონდიტრო ნაწარმი, ბავშვთა კვება, ცხოველების საკვები, სიგარეტი, ლუდი, სპირტი, არაყი და სხვ.

აკრძალვა იმოქმედებს 2016 წლის აგვისტომდე ან რუსეთის მიერ უკრაინისთვის სანქციების გაუქმებამდე.