საპარლამენტო უმრავლესობის წევრის ომარ ნიშნიანიძის განცხადებით „ქართულ ოცნებას" ან ჯადო აქვს გაკეთებული, ან კიდევ თვალი აქვს ნაკრავი." ამის შესახებ ნიშნიანიძემ გაზეთ „კვირის ქრონიკასთან" ინტერვიუში ისაუბრა, პარლამენტის წევრი იმედოვნებს, რომ კოალიცია მარტიდან გააქტიურდება.
„ბებიაჩემმა იცოდა ნახშირით და დანით გამოლოცვა, ამ ხერხს მივმართავ. ხანდახან ეჭვიც კი მიჩნდება, უნდათ თუ არა საერთოდ პარტია „ქართული ოცნება." პატიის საქმე კარგად ნამდვილად არ არის. ჩვენ დიდი ხნის წინ უნდა გავაქტიურებულიყავით.
ჯადო თითქოს ავხსენით, საგაზაფხულოდ ვემზადებით, ყრილობა უნდა ჩავატროთ."
რაც შეეხება ჟუნალისტის შეკითხვას იმის შესახებ, თუ ვინ იქნება პარტია „ქართული ოცნების" თავმჯდომარე, ნიშნიანიძე კვირიკაშვილის კანდიდატურას ჯერ-ჯერობით არ ადასტურებს.
„ჯერ საბოლოოდ გადაწყვეტილი არ არის, ამაზე საბოლოო პასუხი არ გვაქვს. არ არის გამორიცხული, კვირიკაშვილი იყოს, შეიძლება კახი კალაძეც დასახელდეს."- აღნიშნავს ომარ ნიშნიანიძე.
