მოკლული ბუტა რობაქიძის მამა სოსო რობაქიძე მოსამართლე დავით მგელიაშვილს უნდობლობას უცხადებს. როგორც სოსო რობაქიძემ დღეს გამართულ პრეს-კონფერენციაზე განაცხადა, ის მოსამართლის აცილებას ითხოვს, რადგან მისი თქმით, მოსამართლე დავით მგელიაშვილი საქმის განხილვას აჭიანურებს.
ამას გარდა, სოსო რობაქიძემ ისაუბრა 11 დეკემბრის სასამართლო პროცესზეც. მისი განცხადებით, პროცესზე დაიკითხა მოწმე, რომელსაც სამი კვირის წინ დამბლა დაემართა და ვერ მეტყველებდა.
"მოსამართლემ მოწმის ჯანმრთელობის მდგომარეობასთან დაკავშირებით პროცესზე არაფერი განაცხადა. ამის გამო მე მისი მისამართით ემოციური განცხადებები გავაკეთე და მხოლოდ მოგვიანებით გავიგე რა იყო იმის მიზეზი, რომ მოწმეს მეტყველება უჭირდა.
დავით მგელიაშვილი სასამართლო პროცესებს იშვიათდ, 5 თვეში ერთხელ ატარებს, დონაძისა და მიქაძის დაცვის მხარეს კი, უფრო მეტ შესაძლებლობას აძლევს სასამართლო პროცესებზე, პირადად მე კი, პროცესზე რაიმე უკმაყოფილების გამოხატვის შემთხვევაში მოსამართლე დარბაზს მატოვებინებს", - განაცხადა სოსო რობაქიძემ.
