ფრაქცია „ქართული ოცნების" თავმჯდომარის, გიორგი ვოლსკის განცხადებით საკრებულოს დამოუკიდებელმა დეპუტატმა, ალექსანდრე ელისაშვილმა თავი უხერხულ მდგომარეობაში ჩაიგდო.

„ვფიქრობ ალეკო ელისაშვილი ცუდ მდგომარეობაში ჩავარდა. სანამ ალეკო ელისაშვილი არ დაანებებს თავს იმის მტკიცებას, რომ რადგან ჟურნალისტია, არ უნდა დაასახელოს წყარო და ინფორმაცია, რაც თქვენთვისაც და საზოგადოებისთვისაც საინტერესოა, ყოველთვის იქნება უხერხულ მდგომარეობაში", -აღნიშნა ვოლსკიმ.

საკრებულოს დამოუკიდებელი დეპუტატი ალექსანდრე ელისაშვილი საპარლამენტო კომისიის შექმნის აუცილებლობაზე საუბრობს. მისი განცხადებით, პოლიტპატიმართა სიების შედგენის საკითხით არც გამოძიებაა დაინტერესებული.