რა საკითხები განიხილეს ყოფილ პრემიერ-მინისტრთან ბიძინა ივანიშვილთან, საგურამოში კორპორატიულ შეხვედრაზე პარლამენტისა და მთავრობის წევრებმა? - საპარლამენტო უმრავლესობის წევრი თემურ ჭკუასელი ამბობს, რომ საპარლამენტო სიის შედგენასთან დაკავშირებით მან საკუთარი პოზიცია დააფიქსირა. ჭკუასელის განცხადებით, ყოფილმა პრემიერმა ბიძინა ივანიშვილმა აღნიშნა, რომ პარლამენტის ის წევრები, რომლებიც საარჩევნო სიაში ვერ მოხვდებიან, გადაინაცვლებენ აღმასრულებელ ხელისუფლებაში, სსიპ-ებში, ან დაინტერესების შემთხვევაში, მასთან ბიზნესში.

"ისიც ითქვა, რომ ქვეყნისთვის გასაკეთებელი ბევრია. სხვა სახის არანაირი პოლიტიკური განცხადებები არ ყოფილა. იქ სადაც თამადა მე ვარ, სიმღერა და ხუმრობაა", - განმარტა თემურ ჭკუასელმა.