საპარლამენტო უმრავლესობის ლიდერი ზვიად კვაჭანტირაძე პალამენტის წევრების პროფესიების შესახებ, „ქართული ოცნების" აღმასრულებელი მდივნის, ირაკლი კობახიძის განცხადებას აფასებს და გადაცემაში „2030" აღნიშნავს, რომ კობახიძემ სინამდვილეში სულ სხვა რაღაც იგულისხმა.
კვაჭანტირაძემ გუშინ საგურამოში გამართულ კორპორაციულ საღამოზეც გააკეთა განმარტება, მისი თქმით, შეხვედრა სადღესასწაულო ხასიათის იყო.
„გუშინ მხოლოდ "ქართული ოცნების" და მათი ოჯახის წევრების შეკრება იყო. მოვიწვიეთ ყოფილი და მოქმედი პრემიერები. ირაკლი კობახიძეს თავის განცხადებაში არ უგულისხმია, რომ პარლამენტში სპორტსმენები და მსახიობები არ გვჭირდება. მან სიტყვაზე - ჭარბი, აქცენტი ზედმეტად გააკეთა. ისინი ჩვენი პარლამენტის ღირსეული წევრები არიან და საპარლამენტო მუშაობაში აქტიურად მონაწილეობენ. თუმცა, კანონშემოქმედებით საქმიანობაში მეტი ეკონომისტები და იურისტები გვჭირდება." - განაცხადა კვაჭანტირაძემ.
