საპარლამენტო უმრავლესობის ლიდერი ზვიად კვაჭანტირაძე მიიჩნევს, რომ არჩევნებისვის კოალიაცია „ქართული ოცნება" უკვე მყარ პოზიციებს დაიკავებს და ყველა სუბიექტს საკუთარი ვალდებულებები განსაზღვრული ექნება.

როგორც კვაჭანტირაძემ გადაცემაში „2030" განაცხადა, კოალიციაში შემავალი ყველა ადამიანი და პარტია საჭიროა.

„ვფიქრობ, მომავალ არჩევნებზე მყარი კოალიციით მივალთ. ამის ყველანაირი საფუძველი არსებობს. კოალიციის ყველა პოლიტიკურ სუბიექტს თავისი ადგილი აქვს და ყველა საჭიროა. ჩემთვის, როგორც კოალიციის ლიდერისთვის, კოალიციის ერთობა ყველაზე მნიშვნელოვანია. ასევე მნიშვნელოვანია ჩემი პარტიის და ფრაქციის ერთობა, რომლის ინტერესებშიც კოალიციის ერთობა ნამდვილად შედის." - განაცხადა ზვიად კვაჭანტირაძემ.