5 დღის წინ გაუჩინარებული პროკურორი თბილისში მოკლული იპოვეს. მკვლელობის ფაქტს უკვე ადასტურებს მთავარი პროკურორის მოადგილე.
ვახტან ქირიას ცხედარი სამართალამცველებმა ვაჟა- ფშაველას მეშვიდე კვარტლის 24-ე კორპუსში აღმოაჩინეს. მიცვალებული ექსპერტიზაზე გადაასვენეს.
შემთხვევის ადგილზე მისულები იყვნენ მთავარი პროკურორი და შინაგან საქმეთა მინისტრი.
მეზობლების განცხადებით, ბინა, რომელშიც გარდაცვლილი პროკურორი აღმოაჩინეს, სისტემატიურად ქირავდებოდა. სამართალდამცველები კი მათ პირველად კორპუსის მიმდებარედ ორი დღის წინ შენიშნეს.
პოლიცია მეზობლების გამოკითხვას აწარმოებდა. კითხვები სახლის მიმდებარედ მდგარ ავტომობილსაც ეხებოდა, რომელიც მეზობლების თქმით, გუშინ ადგილზე აღარ იყო.
შეგახსენებთ, სამეგრელო-ზემო სვანეთის პროკურორი 5 დღის წინ სახლიდან გავიდა და უკან აღარ დაბრუნებულა. მისი მობილური ტელეფონი ორი დღის წინ რუსთავში იპოვეს.
ვახტან ქირია აფხაზეთის ტერიტორიაზე მოხდარ საქმეებს იძიებდა. მკველობის დეტალებზე გამოძიება გრძელდება.
წყარო: 1TV
