ფრაქცია „ქართული ოცნების" წევრი. თავდაცვისა და უშიშროების კომიტეტი - კომიტეტის თავმჯდომარის პირველი მოადგილე ალექსანდრე თამაზაშვილი გავრცელებულ ინფორმაციას იმის შესახებ, რომ იგი „ქართულ ოცნებას" ტოვებს, უარყოფს და აღნიშნავს, რომ არსად წასვლას არ აპირებს.
როგორც თამაზაშვილის მიერ გავრცელებულ განცხადებაშია ნათქვამი, იგი „ქართული ოცნების" დატოვებას არ გეგმავს.
„არსად არ მივდივარ და მით უმეტეს არც პარტია ქართულ ოცნებას ვტოვებ! ვიყავი, ვარ და ვიქნები ჩვენი გუნდის წევრი. სიუჟეტში საუბარი იყო პარტიულ სიაზე ( სხვა დანარჩენი ჟურნალისტური " ფანტაზიის" ამბავია) და ვფიქრობ , რომ ვიქნები პარტიულ სიაში თუ არ ვიქნები, ეს არ ცვლის ჩემს დამოკიდებულებას ჩვენი გუნდისადმი. როგორც ყოველთვის მე იქ ვიქნები, სადაც გუნდი გადაწყვეტს და დავჭირდები!"- აცხადებს თამაზაშვილი.
შეგახსენებთ, რომ „რუსთავი 2"-ის მიერ გავრცელდა ინფორმაცია იმის შესახებ, რომ ალექსანდრე თამაზაშვილი „ქართულ ოცნებას" ტოვებს.
