„ქართული დასის" ლიდერმა ჯონდი ბაღათურიამ „პირველ პრესკლუბში" „ნაციონალური მოძრაობისა" „სოკარის" სარეტო ინტერესების შესახებ ისაუბრა. ბაღათურიას გაცხადებით „სოკარის" მონოპოლისტურ მდგომარეობაში ჩაყენება „ნაციონალების" ინტერესებში შედის, რადგან „სოკარის" შვილობილ კომპანიებში, ამჟამადაც „ნაციონალური მოძრაობის" წარმომადგენლები მუშაობენ.
„ნაცმოძრაობას" სოკარის მონოპოლისტურ მდგომარეობაში ფინანსური დაინტერესება აქვს. „სოკარს" სააკაშვილმა და მისმა ბანდამ შეუქმნა ხელოვნურად მონოპოლისტური მდგომარეობა და ეს შექმნა პირადი ფინანსური, კორუფციული მდგომარეობის გამო. ეს არის მათი წივილ-კივილის და აჟიოტაჟის საფუძველი დღეს. „ნაცმოძრაობა" ცდილობს არ შემცირდეს „სოკარის" შემოსავლები, არ გაუჩნდეს კომპანიას კონკურენტი, რაც ფასებს შეამცირებს, რაც მის სეგმენტსაც შეამცირებს, შესაბამისად, „ნაცმოძრაობის" შემოსავლების წილიც იქნება შემცირებული.
ესენია: „საქორგგაზის" დირექტორი, ყოფილი ენერგეტიკის მინისტრი და ვანო მერაბიშვილის ე.წ. „მოლარე" ენერგეტიკების საკითხებში, ალექსანდრე ხეთაგური, რომელიც დღეს ძირითადი ოპერირების ხელმძღვანელია, რომლის მეშვეობითაც ხდება „ნაციონალურ მოძრაობაში" ფულის გადაქაჩვა; დავით ზუბიტაშვილი, რომელიც ასევე ენერგეტიკის მინისტრი იყო, ის არის შვილობილი კომპანია „სოკარ ჯორჯია პეტროლიუმის" დირექტორი; ირაკლი ზუბიტაშვილი - „სოკარ ჯორჯია პეტროლიუმის" კორპორაციული ხარისხის დეპარტამენტის ხელმძღვანელი; ნიკა ზუბიტაშვილი - „სოკარ ჯორჯია გაზის" რეაბილატიცასა და კაპიტალური მშენებლობის სამსახურის უფროსი; ვალერი ჩიტაიშვილი - „სოკარ ჯორჯია გაზის" ერთ-ერთი წამყვანი ფინანსური სამსახურის უფროსი, რომელიც წინა ხელისუფლების დროს გურიის გუბერნატრი იყო; დიმიტრი ბოჭორიძე - „სოკარ ჯორჯია გაზის" კახეთის სამსახურის უფროსი, რომელიც თავის დროზე თეკვის საკრებულოს თავმჯდომარე იყო", - განაცხადა ჯონდი ბაღათურიამ.
