დონეცკის გუბერნატორის პაველ ჟებრივსკის კრიტიკას მიხეილ სააკაშვილი პასუხობს. ოდესის ოლქის ადმინისტრაციის ხელმძღვანელი მიხეილ სააკაშვილი სოციალურ ქსელში წერს:

"ჩემს კრიტიკაზე, რომელიც ოდესის ბატალიონის საცხოვრებელ პირობებს ეხებოდა, გუბერნატორმა განაცხადა, რომ სამუშაო ჯგუფია შექმნილი და ყველაფერი რიგზეა. ისეთივე სამუშაო ჯგუფი აქვს ალბათ შექმნილი, როგორც მაშინ, მთავარი პროკურორის მოადგილე რომ იყო კორუფციის წინააღმდეგ ბრძოლის მიმართულებით. ამ ქვეყანაში ასეთი გუბერნატორების არსებობა პირდაპირი მაჩვენებელია, თუ რა ხდება საკადრო პოლიტიკაში.

არ დაგავიწყდეთ, ეს  ადამიანი ყველაზე მსხვილი ოლიგარქია ფარმაცევტულ ბიზნესში და სწორედ მისი დამსახურებაა ასეთი ძვირი რომ ღირს წამლები. ამ ქვეყანაში წესრიგი რომ იყოს, დონეცკის ოლიგარქი გუბერნატორი დიდი ხანია, მოსახსნელია", - წერს სააკაშვილი თავის სოციალურ ქსელში.

დონეცკის გუბერნატორმა მიხეილ სააკაშვილი მკაცრად გააკრიტიკა, მას "პიარშიკი" უწოდა და მოუწოდა, თავისი ოლქისთვის მიეხედა: http://reportiori.ge/?menuid=8&id=86608