ვარშავაში მყოფმა NATO-ს გენერალურმა მდივანმა იენს სტოლტენბერგმა და პოლონეთის პრეზიდენტმა ანდრეი დუდამ შეხვედრის შემდეგ პრესკონფერენციაზე განაცხადეს, რომ NATO და პოლონეთი ცენტრალურ და აღმოსავლეთ ევროპაში მასშტაბური და მუდმივი სამხედრო წარმადგენლობის არსებობის იდეას იზიარებენ.
სტოლტენბერგის თქმით, რუსეთი ევროპაში საზღვრების შეცვლას ცდილობს და საჭიროა NATO-მ პასუხი გასცეს რუსეთის აგრესიულ ნაბიჯებს:
„NATO ცვლილებებისა და უსაფრთხოების კუთხით არსებული გამოწვევების წინაშე დგას. ეს კი რუსეთის აგრესიული ქმედებების გამო ხდება, რომელიც უფრო მეტ ინვესტიციას დებს თავდაცვაში, ატარებს წვრთნებს და აქვს სურვილი, რომ შეცვალოს ევროპაში არსებული საზღვრები.
ეს ჩვენ ნათლად დავინახეთ უკრაინის მაგალითზე, ყირიმის ანექსიის დროს, აღმოსავლეთ უკრაინაში დესტაბილიზაციის შემქმნელი პოლიტიკის წარმოებისას და საქართველოში ჯარების ყოლის ფაქტით. ასე რომ, NATO-მ პასუხი უნდა გასცეს რუსეთის აგრესიულ ნაბიჯებს, რომელიც ჩვენ საზღვრებთან მნიშვნელოვან სამხედრო ქმედებებს ახორციელებს", - განაცხადა სტოლტენბერგმა.
