ნათლისღების დღესასწაულთან დაკავშირებით სამების საკათედრო ტაძარში სადღესასწაულო ლიტურგია მიმდინარეობს, რომელსაც სრულიად საქართველოს კათოლიკოს-პატრიარქი უწმინდესი და უნეტარესი ილია მეორე მღვდელთმთავრებთან და სასულიერო პირებთან ერთად აღავლენს.

წირვის დასრულებამდე სამების საკათედრო ტაძარში წყალკურთხევის რიტუალი შესრულდება. პატრიარქი სამების ტაძრის ეზოში არსებულ დიდ აიაზმაში წყალს აკურთხებს. ნაკურთხი წყალი კი მრევლს გაუნაწილდება.

დღეს სამების ტაძარში ჩვილთა საყოველთაო 42-ე ნათლობა გაიმართება.

წირვის დასრულების შემდეგ უწმინდესი მრევლს ქადაგებით მიმართავს.