ფოტოგრაფების თემა კვლავ აქტუალურია, თუმცა მათთვის გრიფი ჯერაც არ მოუხსნიათ.

საქართველოს მთავარმა პროკურორმა ირაკლი შოთაძემ ჟურნალისტებს განუცხადა, რომ შეუძლია საზოგადოებას შეპირდეს - უახლოეს მომავალში "ფოტოგრაფების საქმეზე" არსებულ ყველა კითხვას გაეცემა პასუხი.

ამ თემაზე „Prime Time"-ს ფოტოგრაფი ირაკლი გედენიძე ესაუბრა.

„წარმოდგენა არ მაქვს რა უშლის ხელს გრიფის მოხსნას. ეს ჩვენს დონეზე არ ხდება. ჩვენს ეჭვებს მნიშვნელობა არ აქვს, რადგან საქმე ძიებაშია. ჩვენ რა ვარაუდებიც უნდა გვქონდეს, ამას საქმესთან კავშირი არ აქვს, საქმე უნდა გამოიძიოს პროკურატურამ. ჩვენ კი ველოდებით. გრიფის მოხსნის თაობაზე ჯერ არაფერი მსმენია", - ამბობს ირაკლი გედენიძე.

მოამზადა სოფო ხუგოიანმა

წყარო: Prime Time