„აღშფოთებული ვარ იმით, რომ ჩემი შვილის, ზურიკოს მკვლელებს მსუბუქი სასჯელები აკმარეს - ფირცხალავას და ცააძეს 12-12 წელი მიუსაჯეს, ნაკანს კი - 6 წელი", - განცხადებას ზურა ვაზაგაშვილის დედა ციალა ვაზაგაშვილი „ასავალ-დასავალთან" ინტერვიუში აკეთებს:

„ სპეცრაზმის  ყოფილმა უფროსმა ნაკანმა სასამართლოზე აღიარა, რომ ვაზაგაშვილის მანქანას მივდევდი და ვესროდიო. ამის მოწმეებიც არსებობენ, რომლებიც სასამართლოზე დაიკითხნენ და დაადასტურეს, რომ ჩემი შვილის მანქანას პირველი 7 ტყვია სწორედ ნაკანმა ესროლა. იგივე დაადასტურეს რიგითმა სპეცრაზმელებმაც.

მოსამართლე კოჭლამაზაშვილმა მხოლოდ სამი წელი მიუსაჯა ბეროძეს, რომლის მიერ ნასროლი ტყვია ჩემს შვილს თავში ჰქონდა მოხვედრილი!

არ ვიცი, სად და ვის ჰქონდა შენახული, მაგრამ სასამართლოზე წარმოადგინეს კადრი, რომელზეც ჩანს, რომ ჩემი შვილის მანქანას ავტომატიდან ესვრის პირადად ირაკლი ფირცხალავა", - აცხადებს ციალა შანავა.

წყარო: ასავალ-დასავალი