ოკუპირებული სამხრეთ ოსეთის მოსაზღვრედ მდებარე სოფელ ქერეს განაპირას შეიარაღებულმა ფორმიანებმა ადგილობრივი მცხოვრები, 23 წლის ლევან ლაფაჩი დააკავეს.

ლაფაჩი სოფლის განაპირას სანადირო თოფით ფრინველზე სანადიროდ იყო წასული. ადგილობრივების მტკიცებით, ლაფაჩს ე.წ. სამხრეთ ოსეთის დეფაქტო საზღვარი არ გადაუკვეთავს.

ქერელების და ლაფაჩის ახლობლების განცხადებით, ახალგაზრდები სისტემატურად გადაადგილდებიან სოფლის განაპირას, მათ შორის საკმაოდ ხშირად სანადიროდაც, თუმცა ოკუპირებულ ტერიტორიაზე არასდროს გადასულან. ამ დრომდე დაკავებულის ოჯახს არავინ დაკავშირებია.

ლევან ლაფაჩი ცხინვალის მილიციის წინასწარი პატიმრობის იზოლატორშია გადაყვანილი. მას ბრალად დეფაქტო სამხრეთ ოსეთის ე.წ. საზღვრის უკანონოდ გადაკვეთა ედება.