უმრავლესობის წევრის თამაზ მეჭიაურის განცხადებით არჩევნებისთვის მზადება „ქართულმა ოცნებამ" საგანგებო რეჟიმში უნდა დაიწყოს, რადგან სიებში სასურველია ავტორიტეტული და ცნობადი სახეებიც მოხვდნენ.

ამის შესახებ მეჭიაურმა გადაცემაში „2030" განაცხადა.

„არ ვამბობ, რომ წინა სია უნდა გადმოვწეროთ. პარტია თუ არ განვითარდა, ასე შედეგს ვერ მიაღწევს. ჩვენ თუ მოვიყვანეთ მხოლოდ განსწავლული ხალხი, რომელთაც არავინ იცნობს, არჩევნებს წავაგებთ, საჭიროა რეიტინგის მქონე ხალხიც, რომელთაც ხმებიც მოაქვთ - ბატონ ბიძინასთან ერთად. გამარჯვებაა მხოლოდ იმის გარანტი, რომ ამ ხალხის განათლება გამოყენებული იქნას კანონშემოქმედებაში. გამარჯვებისთვის კი საჭიროა ავტორიტეტული ხალხი, რომელთაც ზურგს გაუმაგრებს განსწავლული ხალხი".- განაცხადა მეჭიაურმა.