„განახლება მტკივნეული იქნება. პარლამენტი ცოცხალი ორგანიზმია. შეიძლება იყოს წყენა, მაგრამ ჩვენ პოლიტიკაში ვართ და ყველაფერზე მაღლა უნდა დავდგეთ."- განაცხადა  პარლამენტის წევრმა ელდარ კურტანიძემ გადაცემაში „2030" საარჩევნო სიების განახლების შესახებ საუბრისას.

კურტანიძის განცხადებით პარლამენტში ყველა პროფესიის ადამიანისთვის მოიძებნება ადგილი, რაც ქვეყნის განვითარების ერთ-ერთი მნიშვნელოვანი ასპექტია.

„ირაკლი კობახიძემ საზოგადოების განწყობა გაახმოვანა, მაგრამ პარლამენტში სპორტსმენები იმიტომ არიან, რომ სპორტის კომიტეტის მუშაობაში მონაწილეობა მიიღონ, რაც სპორტის განვითარებისთვის აუცილებელია. რაოდენობას რაც შეეხება, ამას ამომრჩეველი თავად განსაზღვრავს". - აღნიშნა ელდარ კურტანიძემ.