„სააკაშვილის რეჟიმს ბიძინა ივანიშვილმა დაუსვა წერტილი, თორემ ამ უტიფრებს ვინ მოერეოდა. ამიტომ ჰყავთ ყელში გაჩხერილი. მეცინება, გაუთავებლად რომ ამტკიცებენ, ივანიშვილი კულისებიდან მართავს ქვეყანასო", - ამ განცხადებას მსახიობი ლალი ბადურაშვილი „ასავალ-დასავალთან" საუბრისას აკეთებს.
„ძალიან დამწყდა გული, ირაკლი ღარიბაშვილმა თანამდებობა რომ დატოვა, მისი დიდი გულშემატკივარი ვიყავი და დღესაც ვრჩები. ქართული სულიერების, ცნობიერების დამცველი იყო.
ღმერთმა ქნას, ახალმა პრემიერმა, გიორგი კვირიკაშვილმა იმის ნახევარი შეასრულოს, რა იმედებსაც მასზე ამყარებენ. თუ სურს, ქართველი ხალხის სიყვარული დაიმსახუროს, ქართული ეროვნულობა, ცნობიერება უნდა დაიცვას, ირაკლი ღარიბაშვილის გზა უნდა გააგრძელოს.
სააკაშვილის რეჟიმს ბიძინა ივანიშვილმა დაუსვა წერტილი, თორემ ამ უტიფრებს ვინ მოერეოდა. ამიტომ ჰყავთ ყელში გაჩხერილი. მეცინება, გაუთავებლად რომ ამტკიცებენ, ივანიშვილი კულისებიდან მართავს ქვეყანასო.
შე დალოცვილო, მიშა უკრაინიდან გმართავს და ბიძინას ხმის ამოღების უფლება არ აქვს?!" - განაცხადა ლალი ბადურაშვილმა.
მოამზადა სოფო ხუგოიანმა
წყარო: „ასავალ-დასავალი"
