პაკისტანის ქალაქ ჩარსადაში უნივერსიტეტზე თავდასხმის შედეგად 19 ადამიანი დაიღუპა, 50 კი დაშავდა. პაკისტანის არმიის წარმომადგენელი ოთხი მოკლული თავდამსხმელის  შესახებ ავრცელებს ინფორმაციას. ამჟამად უნივერსიტეტის ტერიტორიაზე სროლის ხმა აღარ ისმის. პაკისტანის უსაფრთხოების ძალები  შენობას ჩხრეკენ.

თავდასხმა სასწავლებელზე ადგილობრივი დროით დილის 09:30-ზე დაიწყო. ადგილზე მისულმა შიარაღებულმა ძალებმა შენობიდან სტუდენტებისა და უნივერსიტეტის თანამშრომლების ევაკუაცია განახორციელეს. სამხედროებსა და თავდამსხმელებს შორის შეტაკება 3 საათზე მეტ ხანს გაგრძელდა.

თავდასხმაზე პასუხისმგებლობა საკუთარ თავზე „თალიბანმა" აიღო.