უმრავლესობის წევრის გიორგი ვოლსკის განცხადებით საქართველოში გაზის დეფიციტის შევსების ერთადერთი გზა ამ ვითარებაში არის „გაზპრომი" რადგან აზერბაიჯანს არ შეუძლია საქართველოს იმ რაოდენობის გაზი მიაწოდოს, რაც მოსახლეობას უზრუნველყოფს.

როგორც ჟურნალისტებთან საუბარში ვოლსკიმ განაცხადა, „გაზპრომთან" გაფორმებული ხელშეკრულება რუსეთზე დამოკიდებულებას არ ნიშნავს და ამით საპარლამენტო უმცირესობის წარმომადგენლები  ძალიან წარმატებულად ოპონირებენ, რაც მთავარია მათ მოსახლეობა შეცდომაში შეჰყავთ.

„ეს არ არის ის, რომ დადე ხელშეკრულება და „გაზპრომს"  ჩამოეკიდე. ეს არის ხელშეკრულება 4 თვის განმავლობაში აუცილებელი დეფიციტის შევსებაზე. აზერბაიჯანმა თქვა, რომ ჩვენ შეგვიძლია საქართველოს მივაწოდოთ 6 მილიონი კუბური მეტრი დღეში და ჩვენ შეგვიძლია გავზარდოთ 6 მილიონი 7 მილიონამდე. ჩვენ გვჭირდება 11 კუბური მეტრი.  ამ საკითხთან დაკავშირებთ, დეფიციტის შევსების ერთადერთი რესურსი არის „გაზპრომი" - დამთავრდა, ეს არის ფორმულა," - აცხადებს გიორგი ვოლსკი.