ევროკავშირის ელჩმა საქართველოში იანოშ ჰერმანმა ევროპარლამენტის მიერ საქართველოს შესახებ გუშინ მიღებულ რეზოლუციასთან დაკავშირებით განაცხადა, რომ ევროპარლამენტმა აღიარა ის პროგრესი, რომელსაც საქართველომ მიაღწია.

„ევროპარლამენტმა საქართველოს საკითხს დიდი ყურადღება დაუთმო. დისკუსიის დროს აღიარეს ის პროგრესი, რასაც საქართველომ მიაღწია. საქართველოს პროგრესი არის შთამბეჭდავი და ვფიქრობ, რომ ეს საკმაოდ ბუნებრივია. იყო საუბარი იმ სფეროებზეც, რომლებიც დიდ ყურადღებას მოითხოვს. ეს სფეროები არ არის ახალი და მათ შესახებ თქვენ საკმაოდ კარგად იცით. ევროკავშირმა ხაზი გაუსვა მოსამართლეების დამოუკიდებლობის მნიშვნელობასაც", - განაცხადა იანოშ ჰერმანმა.