სახლი, სადაც პროკურორი ვახტანგ ქირია მოკლული ნახეს ამირან ხუციშვილს ეკუთვნის. ხუციშვილი „კურიერთან" ადასტურებს, რომ ბინა 10 იანვარს მისგან ბიძინა კუჭავამ იქირავა. თუმცა გაქირავების დროს კუჭავამ სხვა ადამიანის, მალხაზ ცისკაძის პირადობის მოწმობა წარუდგინა. გავრცელებული ინფორმაციით მალხაზ ცისკაძემ პირადობის მოწმობა რამდენიმე წლის წინ დაკარგა.
ამირან ხუციშვილი კიდევ ერთ საეჭვო გარემოებაზე საუბრობს და აცხადებს, რომ გარდაცვლილმა მას ბინის საკეტების შეცვლა სთხოვა.
ამირან ხუციშვილის განცხადებები არადამაჯერებელია ბიძინა კუჭავას ოჯახისთვის. გარდაცვლილის მეუღლეს ბინის მეპატრონესთან კითხვები აქვს.
მოკლული პროკურორის ვახტანგ ქირიას მანქანას ექსპერტიზა უტარდება. მერსედესის მარკის ავტომობილი სამართალდამცველებმა ნუცუბიძეზე გვიან ღამით იპოვეს. ვინ მიიყვანა ან როდის ტერიტორიაზე მანქანა ადგილობრივებს ინფორმაცია არ აქვთ.
