საქართველოს ეკონომიკისა და მდგრადი განვითარების მინისტრმა დიმიტრი ქუმსიშვილმა ლარის კურსის ვარდნის კომენტირებისას განაცხადა, რომ ის, რასაც დღეს ბაზარზე ვხედავთ, უფრო განწყობის ნაწილია, ვიდრე რეალურად ფუნდამენტი.

„საქართველოს ეკონომიკის სამინისტრო, ფინანსთა სამინისტრო და ეროვნული ბანკი აბსოლუტურად სინქრონულად მუშაობენ. ჩვენ არაერთი შეხვედრა გვაქვს, პრაქტიკულად ყოველდღიურად და ყოველდღიურად არის ანალიზი როგორც ვალუტის შემოდინებაზე, ისე გადინებაზე. მინდა მოგახსენოთ, რომ ცვლილებები არ არის შემოდინება-გადინებაში, აქედან გამომდინარე, უფრო განწყობის ნაწილია ის, რასაც ჩვენ ახლა ბაზარზე ვხედავთ, ვიდრე რეალურად ფუნდამენტი", - განუცხადა დიმიტრი ქუმსიშვილმა.