„ევროპაში კონფლიქტები კვლავ გადაუწყვეტი რჩება", - ევროპის საბჭოს საპარლამენტო ასამბლეის ახალარჩეულმა პრეზიდენტმა პედრო აგრამუნტმა საინაუგურაციო სიტყვით გამოსვლისას განაცხადა, რომ აფხაზეთისა და სამხრეთ ოსეთის „გაყინული" კონფლიქტები ევროპის უსაფრთხოებას საფრთხეს უქმნის.

„ვითარება უკრაინაში კვლავ ფაქიზია. კონფლიქტმა 9 000-ზე მეტი ადამიანი იმსხვერპლა, რუსეთის მიერ მხარდაჭერილი სეპარატისტები ქვეყნის ნაწილს კვლავ აკონტროლებენ, მშვიდობა კი კვლავ მიუღწევადია. უსაფრთხოებასთან დაკავშირებული საფრთხეები და გაყინული კონფლიქტები კვლავ არსებობს ისეთ რეგიონებში, როგორიცაა დნესტრისპირეთი (მოლდოვას რესპუბლიკა), აფხაზეთი და სამხრეთ ოსეთი (საქართველო) და მთიანი ყარაბაღი (აზერბაიჯანი). ჩვენი მხრიდან, უნდა გავაგრძელოთ მსჯელობა გაყინულ კონფლიქტებზე ევროპის ზოგიერთ რეგიონში, მათ შორის დნესტრისპირეთში - რესპუბლიკა მოლდოვა, აფხაზეთი და სამხრეთ ოსეთი - საქართველო და მთიანი ყარაბაღი -აზერბაიჯანი. ეს კონფლიქტები ევროპის უსაფრთხოებას უქმნის საფრთხეს", - განაცხადა ევროპის საბჭოს საპარლამენტო ასამბლეის ახალმა პრეზიდენტმა.