ჯგუფ „ვაკის პარკის" სოლისტი ზაზა ხუციშვილი სოციალურ ქსელში განცხადებას ავრცელებს, სადაც აღნიშნავს, რომ „ვაკის პარკს" მალე 20 წელი შუსრულდება, ხოლო რაც მისთვის განსაკუთრებით საამაყოა, ამ ხნის მანძილზე მუსიკალურ ჯგუფს ფუნქციონირება არ შეუჩერებია და მსმენელს ახალ სიმღერებს ყოველთვის სთავაზობდა.

„მეგობრებო!

2016 წლის მაისში ჯგუფი „ვაკის პარკი" 20 წლის ხდება!

მეამაყება, რომ ამ ხნის მანძილზე ჯგუფი შევინარჩუნეთ, ექვსი სტუდიური ალბომი ჩავწერეთ და დღესაც აქტიურად ვმუშაობთ!

თებერვლიდან ყველა ვიდეოკლიპს შეგახსენებთ, ახალ სიმღერას ავტვირთავთ და მაისისთვის მოვემზადებით. გვინდა საქართველოს დიდ ქალაქებში კონცერტები ჩავატაროთ და თბილისით დავასრულოთ.

დიდი იმედი გვაქვს თქვენი მხარდაჭერის. long live rock'n'roll!"- აღნიშნავს ხუციშვილი.