დემოკრატიული მოძრაობა-საქართველოს ლიდერი ნინო ბურჯანაძე 26 მაისის საქმესთან დაკავშირებით, პრეზიდენტ სააკაშვილთან ერთად, დავით ბაქრაძის დაკითხვასაც ითხოვს. ბურჯანაძის განცხადებით, 26 მაისის აქციის დაშლის შესახებ პარლამენტის ყოფილი თავმჯდომარე საკმაოდ მნიშვნელოვან ინფორმაციას ფლობს. მისივე თქმით, მიხეილ სააკაშვილის განცხადება დავით ბაქრაძემაც დაადასტურა. შეგახსენებთ, რომ რამდენიმე დღის წინ მიხეილ სააკაშვილმა განაცხადა, რომ 26 მაისის მოვლენებს ამერიკის ფედერალური ბიუროს წარმომადგენლები აკვირდებოდნენ.