აშშ-ის ფინანსთა მინისტრმა ადამ შუბინმა ტელეკომპანია „BBC"-ის საგამოძიებო პროგრამა „პანორამას" ეთერში განაცხადა, რომ რუსეთის პრეზიდენტი ვლადიმირ პუტინი კორუმპირებულია და საკუთარ ქონებას მალავს.

„ციფრების დასახელება არ შემიძლია, თუმცა ერთადერთი იმას ვიტყვი, რომ, როგორც მიიჩნევა, პუტინი ხელფასის სახით სახელმწიფოსგან წელიწადში 110 000 დოლარს იღებს", - განაცხადა ადამ შუბინმა.

მისივე თქმით, აშშ-ის ხელისუფლებაში მრავალი წელია იციან, რომ რუსეთის პრეზიდენტი კორუმპირებულია.

„BBC"-ის ჟურნალისტები, აშშ-ის ცენტრალურ სადაზვერვო სამმართველოს საიდუმლო ანგარიშზე დაყრდნობით იტყობინებიან, რომ ვლადიმირ პუტინის ქონება დაახლოებით 40 მილიარდი აშშ დოლარია.