„რესპუბლიკურმა პარტიამ საარჩევნო კვოტების გაზრდის სურვილი ნამდვილად გამოთქვა", - ამის შესახებ ალექსანდრე ქანთარიამ „რეპორტიორს" განუცხადა. როგორც დეპუტატი აღნიშნავს, ამ პოლიტიკურმა პარტიამ კვოტების გაზრდის ინიციატივა რამდენიმე ხნის წინათაც გააჟღერა.
„კვოტების გაზრდის სურვილი მათ ადრეც გამოთქვეს, რა რაოდენობაზეა საუბარი, ჩემთვის უცნობია. ვფიქრობ, მოლაპარაკება შედგება და რაც მალე გაირკვევა, ეს უკეთესია", - განაცხადა ქანთარიამ.
კითხვაზე, რა პოზიცია აქვს ქანთარიას „რესპუბლიკელებისთვის" კვოტების გაზრდასთან დაკავშირებით, დეპუტატი პასუხობს: „ყველას აქვს საკუთარი შეხედულება თავის ორგანიზაციაზე. რამდენად თანმხვედრია ეს ამომრჩეველთან, ეს ცალკე საკითხია. სწორედ ამიტომ მალევე უნდა შეიკრიბოს პოლიტსაბჭო და მოხდეს აწონ-დაწონვა და მოლაპარაკება მშვიდად, გარეთ გამოტანისა და აჟიოტაჟის გარეშე".
„კვოტების გადანაწილებაზე ჯერჯერობით საუბარი არ ყოფილა და არც პოლიტსაბჭო შეკრებილა ამ საკითხზე..." - განუცხადა „რეპორტიორს" პარლამენტარმა.
