„სახალხო ხელისუფლება" განცხადებას ავრცელებს. როგორც მოქალაქეთა პოლიტიკური გაერთიანების თავჯდომარის ზურაბ კობიაშვილის, გენერალური მდივნის თამაზ ყარალაშვილისა და პოლიტიკური მდივნის მუბარის კარაევის განცხადებაშია ნათქვამი, გარდაბნის მუნიციპალიტეტის გამგებლობის კანდიდატ გოჩა ჯამარაულს მხარს დაუჭერენ:
„მოქალაქეთა პოლიტიკურმა გაერთიანებამა „სახალხო ხელისუფლებამ" საკონსულტაციო შეხვედრები გამართა თავის წევრებსა და მხარდამჭერებთან გარდაბანში მუნიციპალიტეტის გამგებლის 2016 წლის რიგგარეშე არჩევნებთან დაკავშირებით.
გარდაბნელი ხალხის ინტერსებიდან გამომდინარე, ერთობლივი გადაწყვეტილებით, მხარდაჭერას ვუცხადებთ გარდაბნის მუნიციპალიტეტის გამგებლის თანამდებობაზე ბატონ გოჩა ჯამარაულს.
გოჩა ჯამარაული არის ბატონი ბიძინა ივანიშვილის კანდიდატურა და მიგვაჩნია, რომ ჩვენი მხარდამჭერების ხმები მიეხმარება მას წარმატების მიღწევაში.
ვიმედოვნებთ, რომ ბატონი გოჩა ჯამარაულის არჩევა გამგებლის თანამდებობაზე დადებითად აისახება გარდაბნის მრავალეროვნული მოსახლეობის სოციალურ-ეკონომიკური ყოფის გაუმჯობესებაზე", - ნათქვამია განცხადებაში.
