პარლამენტის საგარეო საქმეთა კომიტეტის თავმჯდომარე თედო ჯაფარიძე რუსეთის საგარეო საქმეთა მინისტრის სერგეი ლავროვის განცხადებას ეხმაურება. სერგეი ლავროვმა დღეს გამართულ პრესკონფერენციაზე განაცხადა, რომ „გავრცელებული ინოფრმაციით, „ისლამური სახელმწიფოს" მებრძოლები პანკისის ხეობით სარგებლობენ". თედო ჯაფარიძის განმარტებით, რუსეთის საგარეო საქმეთა მინისტრის მოსაზრება ყურადსაღებია, თუმცა, მისივე თქმით, საქართველოს ძალოვანი სტრუქტურები სრულად აკონტროლებენ ტერიტორიას:
„ჩვენ ვიცით რუსული მხარე და მათი მეთოდოლოგია, ვიცით პროპაგანდის ამგვარი ინსტრუმენტები და ხერხები, ამიტომ როცა რუსეთი ლაპარაკობს პანკისზე და იქ მიმდინარე მოვლენებზე, ჩვენ უნდა ვიყოთ ყურადღებით, რადგან რუსეთს, ლავროვს, პეტროვს თუ იპოლიტოვს, შეიძლება სულ სხვა რამე ჰქონდეთ თავში", - განაცხადა თედო ჯაფარიძემ.
