„რადგან პრემიერი ასე ფიქრობს, ესე იგი, ასეა საჭირო", - ასე აფასებს მომღერალი ნუგზარ კვაშალი გიორგი კვირიკაშვილის გადაწყვეტილებას საარჩევნო სპეცუბნების გაუქმების შესახებ. როგორც კვაშალმა „რეზონანსთან" საუბარში აღნიშნა, პრემიერმა საარჩევნო საკითხებში მასზე მეტი იცის, ამიტომ, როგორც ჩანს, „ასეა საჭირო".
„ჩემი თაობის ხალხზე ძალიან ბევრმა არჩევნებმა გადაიარა. ყველა, ვინც კი არჩევნებს ატარებდა, რაღაც ახალს იტყოდა ხოლმე. ყველა ხელისუფლებას თავისი ხედვა აქვს. პრემიერი არის ძალიან კარგი პიროვნება, ღირსეული ქართველი, კარგი ოჯახის შვილი და მე მგონია, რომ მან ჩემზე მეტი მაინც იცის ამ საარჩევნო ამბებში. რადგან ასე ფიქრობს, ესე იგი" ასეა საჭირო", - განაცხადა ნუგზარ კვაშალმა.
შეგახსენებთ, სპეცუბნების გაუქმების შესახებ პოლიტიკური გადაწყვეტილება პრემიერ-მინისტრმა გუშინ არასაპარლამენტო ოპოზიციის ინტერპარტიულ ჯგუფთან შეხვედრაზე მიიღო.
(მოამზადა ნენე სტეფანიშვილმა)
წყარო: „რეზონანსი"
