საპარლამენტო უმრავლესობის ლიდერი ზვიად კვაჭანტირაძე ალექსანდრე ქანთარიას დღეს გაკეთებულ განცხადებას უწუნებს. საპარლამენტო უმრავლესობის წევრმა ალექსანდრე ქანთარიამ დღეს, „რეპორტიორის" პრესკლუბში გამართულ პრესკონფერენციაზე განაცხადა, რომ საქართველოს საგარეო საქმეთა მინისტრ მიხეილ ჯანელიძე ნიჭიერია, მაგრამ სერგეი ლავროვთან შეხვედრისთვის კომპეტენცია არ ეყოფა:

„არ მგონია, რომ ასეთი შეფასებები უნდა გაკეთდეს. ეს შეიძლება იყოს ნებისმიერი კოლეგის მიმართ განხილვის საკითხი ვიწრო წრეში, აზრთა გაცვლა-გამოცვლა, მაგრამ საჯაროდ ასეთი განცხადებები არასწორია. მითუმეტეს, რომ ასეთი მოსაზრება ძალიან შორს არის რეალობისგან", - აღნიშნა კვაჭანტირაძემ.