საქართველოს პარლამენტის საგარეო ურთიერთობათა კომიტეტის თავმჯდომარე თედო ჯაფარიძე ალექსანდრე ქანთარიას განცხადებას პასუხობს და ამბობს, რომ როგორც ჩანს, საქართველოში ყველა ერკვევა საგარეო ურთიერთობებში, დიპლომატიაში, ისევე როგორც ფეხბურთში:
„დავიწყოთ იმით, რამდენად კომპეტენტურია თავად ბატონი ნუკრი ქანთარია, ასეთი შეფასებები გააკეთოს. მე მის ინტელექტს, განათლებას არ ვეხები. საუბარია იმ სფეროზე, რომლესაც დიპლომატია და საგარეო ურთიერთობები ჰქვია.
საქართველოში, როგორც ჩანს, ყველა ერკვევა საგარეო პოლიტიკაში, დიპლომატიაში, ისევე როგორც ფეხბურთში. მაგრამ საგარეო ურთიერთობები ფაქიზი სფეროა, განსაკუთრებით - ჩვენი ურთიერთობა თუ ურთიერთობების არარსებობა რუსეთთან", - აღნიშნა ჯაფარიძემ.
საპარლამენტო უმრავლესობის წევრმა ალექსანდრე ქანთარიამ დღეს განაცხადა, რომ საქართველოს საგარეო საქმეთა მინისტრ მიხეილ ჯანელიძეს სერგეი ლავროვთან შეხვედრისთის გამოცდილება არ ეყოფა.
