ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ ევროპარლამენტის რეზოლუციის შეფასებისას ჟურნალისტებს განუცხადა, რომ „ჩვენ ღია ვართ, რომ „რუსთავი 2"-ის ერთმა კონკრეტულმა საქმემ არ მიაყენოს ჩრდილი მედიაპლურალიზმის კუთხით მიღწეულ პროგრესს".

„ევროპარლამენტის რეზოლუციაზე შემიძლია გავაკეთო კომენტარი, მათ შორის, „რუსთავი 2"-ის საკითხთან დაკავშირებით. აღინიშნა, რომ „რუსთავი 2"-ის საქმე ზოგადად მედიაპლურალიზმის საკითხს საქართველოში ჩრდილს აყენებს და ამდენად, ევროპარლამენტი მიესალმა საქართველოს მთავრობის მზაობას, რომ გახსნილად, ღიად, გამჭვირვალედ, მოიწვიოს ევროპელი ექსპერტები და გააცნოს ამ საქმის დეტალები. ვფიქრობ, ეს იყო მნიშვნელოვანი ჩანაწერი. ჩვენ მართლაც ღია ვართ, რომ ამ ერთმა კონკრეტულმა საქმემ არ მიაყენოს ჩრდილი მედიაპლურალიზმის კუთხით მიღწეულ პროგრესს", - განაცხადა დავით ბაქრაძემ.