რუსულ „ამერიკის ხმასთან" ინტერვიუში, უმცირესობის წარმომადგენელი, გივი თარგამაძე უკრაინისა და სხვა ქვეყნების რევოლუციებში მონაწილეობაზე საუბრობს. მაგრამ რუსეთში პოლიტიკურ პროცესებში ჩართვა თითქმის შეუძლებლად მიაჩნია.
„რუსეთი ძალიან დიდი ქვეყანაა, პოლიტიკურ პროცესებში ჩართვა ძნელია. უკრაინისა და სხვა ქვეყნების მსგავსად უბრალოდ ფიზიკურად ვერ ჩავდივარ მოსკოვში. ადრე ამ ქვეყანაში საერთოდ არ გვიშვებდნენ, ახლა რათქმაუნდა შემიშვებენ მაგრამ უკან ვეღარ დავბრუნდები. რუსეთის სიტუაცია ძალიან განსხვავდება ყოფილი საბჭოთა კავშირის ქვეყნებისგან. მინდა ხაზი გავუსვა, რევოლუციის ექსპორტი შეუძლებელია, შეიძლება მხოლოდ კონსულტაციებისა და გამოცდილების გაზიარება. ხოლო, დანარჩენი პროცესი ადგილობრივი მოსახლეობის გადასაწყვეტია. ქვეყნის ოპოზიცია ძალიან სუსტია, მე მაქვს სურვილი მათი გაცნობისა, მაგრამ რა პრობლემებთან შეიძლება იყოს ეს დაკავშირებული თქვენც ნახეთ. მათთან სხვა მეთოდით დაკავშირების არანაირი მცდელობა არ მქონია. ჩემ მშობლიურ ქვეყანაში იმდენი რამ არის მოსაგვარებელი რომ სხვა საკითხებზე საფიქრებლად დროც არ მრჩება. მინდა ავღნიშნო, რომ თუკი მე რუსეთის ოპოზიციის წარმომადგენლებთან ვითანამშრომლებდი, ყველა ჩვენი კონსულტაციაები დემოკრატიული ნორმის ჩარჩოებს არ გასცდებოდა. მაგრამ ამ შემთხვევაში უფრო მნიშვნელოვანია რომ თვითონ პუტინს და მის ხელისუფლებას ჰქონდეს იმდენი საქმე, საქართველოს შიდა პროცესებში არ ჩაერიოს. არ გამიკვირდება თუ „ეგვიპტური რევოლუციის" მსგავსი გადატრიალება რუსეთშიც მოხდება."
უმცირესობის წევრი პუტინის მიმართ დამოკიდებულებაზეც საუბრობს.
„ვერ გეტყვით რომ პუტინს პატივს ვცემ. რომ გითხრათ, მის მიერ ჩემი სახელის ხსენებაზე ავღრფთოვანდი მოგატყუებთ. თუმცა, თუ რუსეთის პრეზიდენტს პოლიტიკურ პროცესებში ჩემი მონაწილეობის ეშინია, ეს ძალიან კარგია."-აცხადებს თარგამაძე.
